WITO WA AMANI TANZANIA, AFRIKA NA DUNIA

New Delhi, India — 18 Agosti 2026

Mtaalamu wa Tiba Asili na Katibu Mkuu wa Shirika la Dawa Asilia na Ulinzi wa Mazingira Tanzania (TRAMEPRO), Boniventura F. Mwalongo, akiwa New Delhi, India, ameunga mkono wito wa Chifu Felix G. L. Mfunda wa Jamii ya Wandondi na Wandwewe wa kuwaombea waliotangulia mbele ya haki pamoja na kuiombea Tanzania, Afrika na dunia kwa ujumla.

Mwalongo amesema wito huo una umuhimu mkubwa katika kipindi ambacho jamii zinahitaji kuimarisha mshikamano, maelewano, amani, haki na maendeleo ya pamoja.

Ametoa wito kwa viongozi wa Serikali, viongozi wa dini na kimila, vijana, wanawake, wazee, wasomi, wataalamu, wafanyabiashara, wajasiriamali, mashirika ya kiraia na vyombo vya habari kushirikiana katika juhudi zinazolenga kujenga jamii yenye amani, utulivu na ustawi.

Amani Yaenda Sambamba na Kulinda Mazingira

Katika taarifa yake, Mwalongo amesisitiza kuwa amani haipaswi kutazamwa katika mahusiano ya binadamu pekee, bali inapaswa pia kuhusisha heshima kwa uhai wa viumbe na mazingira yanayowezesha maisha.

Amesema maji, udongo, hewa na joto ni sehemu muhimu za mifumo ya mazingira inayowezesha uhai, hivyo kulinda vyanzo vya maji, ardhi, misitu na bayoanuai ni jukumu la pamoja la kizazi cha sasa kwa manufaa ya vizazi vijavyo.

Kwa mtazamo huo, amesema wito wa amani unapaswa pia kuwa fursa ya kutafakari uhusiano uliopo kati ya utu, afya, mazingira, haki na maendeleo.

Wito kwa Vijana

Mwalongo amewataka vijana kutumia nguvu, vipaji na maarifa yao katika elimu, teknolojia, ubunifu, ujasiriamali, sanaa, michezo na utunzaji wa mazingira.

Amesisitiza umuhimu wa vijana kukataa kutumiwa katika chuki, migawanyiko na vurugu, badala yake washiriki katika kujenga jamii yenye fursa na maendeleo.

Aidha, amezialika familia, jumuiya za kidini na kimila, taasisi za kiraia, wataalamu, wafanyabiashara, wasanii, wanamichezo na wadau wengine wa maendeleo kushirikiana katika kujenga jamii yenye utulivu na ustawi.

Amesema tofauti za imani, mila, maeneo au mitazamo hazipaswi kuwa kikwazo cha kushirikiana katika mambo ya msingi yanayowahusu watu wote, ikiwemo uhai, utu, haki, amani na maendeleo.

Kuwakumbuka Waliotangulia, Kuwalinda Walio Hai

Mwalongo amesema dhamira ya Chifu Felix G. L. Mfunda ya kuwaombea waliotangulia mbele ya haki inatoa nafasi ya kutafakari thamani ya maisha na wajibu wa kizazi cha sasa.

Amesema jamii inapaswa kuwakumbuka waliotangulia kwa heshima, kuwalinda walio hai kwa utu, kuheshimu uhai wa viumbe wengine na kutunza mazingira yanayoshirikishwa na viumbe vyote.

Wito wa Pamoja kwa Tanzania, Afrika na Dunia

Akihitimisha taarifa yake, Mwalongo ametoa pongezi kwa Chifu Felix G. L. Mfunda na Jamii ya Wandondi na Wandwewe kwa dhamira ya kuunganisha tafakuri, maombi, utu, mazingira na wajibu wa pamoja katika kujenga Tanzania, Afrika na dunia yenye amani na maendeleo.

Ametoa wito kwa viongozi na makundi yote ya jamii kuunga mkono juhudi zinazolenga kuimarisha maelewano, kulinda uhai na kutengeneza mazingira bora kwa maendeleo ya wote.

“Tuiombee Tanzania. Tuiombee Afrika. Tuiombee dunia nzima. Tuwakumbuke waliotangulia. Tuwalinde walio hai. Tuheshimu uhai wa viumbe vyote na tulinde mazingira kwa ajili ya vizazi vijavyo,” amesema Mwalongo.

Amehitimisha kwa dua: “Mungu awarehemu waliotangulia mbele ya haki. Mungu ailinde Tanzania, aibariki Afrika na alete amani duniani.”

Imetolewa New Delhi, India, tarehe 18 Agosti 2026.

BONIVENTURA F. MWALONGO  Katibu Mkuu Shirika la Dawa Asilia na Ulinzi wa Mazingira Tanzania (TRAMEPRO)