MAKAMU KUENDELEZA ZIARA MKOA WA KUSINI -UNGUJA

IMEELEZWA Kwamba kuibuka migogoro mingi ya Ardhi Zanzibar,

kunachangiwa sana na kuwepo ongezeko la wimbi kubwa la watafutaji

maisha sambamba na kuongezeka idadi ya watu, biashara na watafutaji

maisha na kuifanya ardhi ya Zanzibar kuwa na thamani zaidi kuliko

ilivyokuwa hapo awali.

Makamu wa Kwanza wa Rais wa Zanzibar Mhe. Othman Masoud

Othman, ameyasema hayo huko Pongwe Jimbo la Tunguu wilaya ya Kati

Unguja alipokuwa akifanya majumuisho ya muendelezo wa zaira yake

ya kutembelea wagonjwa na waliopatwa na misiba katika Mkoa wa

Kusini Unguja.

Amefahamisha kwamba kwa mujibu wa matokeo ya sensa ya wwaka

2012 hivi sasa Zanzibar inaidadi ya watu wapatao zaidi ya milioni moja

na laki tisa wakati 2012 walikuwa wastani wa watu milioni moja na laki

tatu aongezko ambalo ni zaidi watu laki saba.

Aidha Mhe. Othman amesema kwamba pia tatizo hilo linachangiwa na

kuwepo utaratibu wa usimamizi usiokidhi mahitaji katika wakati huu

jambo ambalo linachangia kuifanya ardhi kuwa ni mali ya kuwasaidia

watu wachache.

Mhe. Makamiu amesema kwamba kutokana na serikali kubaini kuwepo

hali hiyo na kuongezeka kwa matatizo mengi ya ardhi hivi sasa imeunda

kamati ya usuluhishi wa migogoro ya ardhi ili kusaidia kupatikana haki

kwa muda mfupi kabla ya suala la namna hiyo kupelekwa mahakamani.

Aidha Mhe. Othman amewaonya wale wote wenye uwezo wasitumie

mahakama kuwadhulum wananchi ardhi zao kwa kuwa kufanya hivyo ni

jambo ovu lililokatazwa hata katika vitabu vitakatifu vya Dini.

Aidha Mhe. Makamu amewaomba wananchi kuendelea na utamaduni

wa kusaidiana hasa kwa wale wenye uwezo katika kipindi hiki cha

mwezi wa ramadhani ili kusaidia umoja na mshikamano miongoni mwa

wananchi mbali mbali.

Mhe. Makamu amewaomba wananchi kuiga mifano ya mkoa wa mjini

mkuanzisha mfumo wa faraja ambao utasaidia kutatua changamoto

mbali mbali hasa katika wakati wa shida zinapojitokeza ikiwemo hata

kipindi cha mfungo wa mwezi mtukufu wa ramadhani.

Awali Mwenyekiti wa ACT- Wazalendo Mkoa wa Kati Kichama Vua

Abdulkadir, akizungumza kwa niaba ya Wananchi wa Mkoa huo,

alimueleza Mhe. Makamu kwamba mkoa kusini hivi sasa kuna wimbi

kubwa la watu kunyanganywa ardhi zao na kwamba licha ya kesi nyingi

za aina hiyo kupelekwa mahakamani, lakini haki huwa haipatikani.

Amefahamisha kwamba kuwepo kwa hali hiyo kunachangia wananchi

wengi hasa wanyonge kutofaidika na rasilimali yao hiyo na kuendelea

kutumiwa na baadhi ya watu kwa njia ya kuwapora na wao kunufaika

zaidi.

Aidha amefahamisha kuwa suala hilo pia inachangia hali ya maisha ya

wananchi kuendelea kudorora na kuongezeka umasikini jambo ambalo

linahitaji viongozi waingilie kati kupatikana ufumbuzi wa masuala ya

namna hiyo.

Mhe. Othman katika ziara hiyo aliyombatana na baadhi ya viongozi wa

ACT-Wazalendo Akiwemo Kaimu Naibu Katibu Mkuu Salim Biman na

leo ametembelea majimbo ya Mkoa wa Kusini Unguja ambapo ni

muendelezo wa Utamaduni uliorithiwa kutoka kwa Mtangulizi wake

marehemu Maalim Seif Sharif Hamad ambao alikuwa akiufanya kila

ifikapo kipindi cha mwezi mtukufu wa ramadhani.

MAKAMU wa Kwanza wa Rais wa Zanzibar Mhe. Othman Masoud

Othman akimsalimia mzee Kitisho Mahmoud Abdalla,wa Kumbini

Makunduchi wakati Mhe. Othman alipofika nyumbani kwa mzee huyo

huko Makunduchi kumjulia hali. Mhe. Makamu alikuwa katika ziara

Mkoa wa Kusini Unguja leo tarehe 28.03.03 kuwatembelea wagonjwa

na waliofikwa na changamoto mbali ikiwemo misiba. Picha na Ofisi ya

Makamu wa Kwanza wa Rais.